प्रचण्डले प्रधानमन्त्रीबाट राजीनामा नदिने
काठमाडौँ । प्रधानमन्त्री पुष्पकमल दाहालले तत्काल राजीनामा नदिने भएका छन् । कांग्रेस र एमालेबीच नयाँ गठबन्धन निर्माण गर्ने सहमति भएपछि मंगलबार प्रधानमन्त्री निवास बालुवाटारमा बसेको माओवादी पदाधिकारी बैठकले विश्वासको मतको सामना गर्ने निर्णय गरेको हो ।
माओवादी नेता देवेन्द्र पौडेलले सरकार नछाड्ने र विश्वासको मतको सामना गर्ने निर्णय भएको जानकारी दिए । उनले भने, संसद फेस गर्ने भन्नेछ । संसदमा जसले गणित देखाउन सक्छ त्यसले सरकार चलाउने हो । गलेर सरकार छोड्ने कुरा हुँदैन ।’
माओवादीले कांग्रेस र एमालेबीच संविधान संशोधन गरेर जाने सहमति भएकोप्रति आशंका व्यक्त गरेको छ । पौडेलले २०४७ को संविधान ब्यूँताउने खेल हुनसक्ने भन्दै त्यसको पनि प्रतिवाद हुने बताए ।