माओवादीले बोलायो पदाधिकारी बैठक
काठमाडौँ । नेकपा माओवादी केन्द्रले पदाधिकारी बैठक बोलाएको छ । कांग्रेस र एमालेले सरकार गठनमा सहमति गरेपछि माओवादीले पदाधिकारी बैठक बोलाएको हो ।
बैठक प्रधानमन्त्री निवास बालुवाटारमा अहिले बिहान ९ बजेका लागि बोलाइएको हो । सोमबार कांग्रेस र एमाले संविधान संशोधनको एजेन्डासहित सरकार बनाउन सहमत भएका छन् । एमाले अध्यक्ष केपी शर्मा ओली र कांग्रेस सभापति शेरबहादुर देउवाले सोमबार मध्यराति सहमतिपत्रमा हस्ताक्षर गरेका छन् ।