एकीकृत समाजवादीले थ्रेसहोल्ड कटाउला भन्ने ओलीलाई चिन्ता

काठमाडौं । नेकपा एमालेका अध्यक्ष केपी शर्मा ओलीले समानुपातिकतर्फ केही पार्टी मत बृद्धि अस्वाभाविक भएको टिप्पणी गरेका छन् । शनिबार साँझ सामाजिक संजालमार्फत अध्यक्ष ओलीले नेकपा एकीकृत समाजवादीको मत बढेकोप्रति संकेत गर्दै यस्तो टिप्पणी गरेका हुन् ।

उनले भनेका छन्, ‘समानुपातिक मतगणना भइरहेको छ। सुरुदेखिको मतगणनालाई नियाल्दा पछिल्लो समयमा केही पार्टीको मत वृद्धि अस्वाभाविक देखिन्छ। एउटा पार्टीलाई आएको केही मत ३ प्रतिशत नकट्ने गठबन्धनमा रहेको अर्को पार्टीमा जोड्ने जस्ता गÞलत कार्य पनि हुनसक्छ। जिल्ला जिल्लामा मतगणनामा रहनु भएका साथीहरू चनाखो रहनुहोस् । मतगणनामा प्रतिनिधि रहनु भएका साथीहरूलाई म त्यहाँको मत परिणामको मुचुल्काको प्रति मेरो फेसबुकको म्यासेज बक्समा पठाउनु हुन अनुरोध गर्दछु।’