अहिलेसम्मको परिणाम अनुसार कांग्रेस पहिलो स्थानमा
काठमाडौं । स्थानीय तह निर्वाचनको मंगलबार दिउँसोसम्म दुई सय ९५ वटा पालिकाको अन्तिम नतिजा सार्वजनिक भएको छ । अहिलेसम्म ४४ वटा नगरपालिका र दुई सय ५१ वटा गाउँपालिकाको अन्तिम नतिजा सार्वजनिक भएको हो ।
सार्वजनिक नतिजाअनुसार नेपाली कांग्रेस सबैभन्दा अगाडि रहेको छ । कांग्रेसले अहिलेसम्म १४५ पालिकाको नेतृत्व पाएको छ । दोस्रोमा नेकपा एमालेले ९५ पालिकाको नेतृत्व पाएको छ ।
नेकपा माओवादी केन्द्रले ७१ पालिकाको नेतृत्व जितेको छ । नेकपा एकीकृत समाजवादीले चार वटा र जनता समाजवादी पार्टीले चार वटा गाउँपालिकाको अध्यक्ष जितेका छन् ।
एउटा नगरपालिकाको मेयर स्वतन्त्र र एउटाको मेयर नेपाल मजदुर किसान पार्टीले जितेका छन् । राष्ट्रिय जनमोर्चाले एउटा गाउँपालिकाको अध्यक्ष पदमा जित निकालेको छ । नेकपा एकीकृत समाजवादीले एक सय एक वटा वडामा अध्यक्ष जितेको छ ।
