थप ३५४० जनामा कोरोना संक्रमण, ८२४३ जना संक्रमणमुक्त

काठमाडौं । नेपालमा थप ३५४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३५४० जनामा संक्रमण पुष्टि भएको छ । योसँगै नेपालमा कोरोना संक्रमितको संख्या ५८५१०० पुगेको छ ।

त्यस्तै पछिल्लो २४ घण्टामा थप ८२४३ जना संक्रमणमुक्त भएका छन् । योसँगै कोरोना संक्रमणमुक्त हुनेको संख्या ४८४३७३ पुगेको छ । कोरोना संक्रमणबाट थप ६८ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ७७९९ पुगेको छ । क्वारेन्टाइनमा ७३० जना छन् भने आइसोलेसनमा ९२९२८ सक्रिय संक्रमित रहेका मन्त्रालयले जनाएको छ ।