भारतको कोभ्याक्सीन खोपलाई नेपालमा अनुमति
काठमाडौं । नेपालको औषधि व्यवस्था विभागले भारतीय कम्पनी भारत बायोटेकले विकास गरेको कोभ्याक्सीन नामक कोभिडविरुद्धको खोपलाई आपत्कालीन प्रयोगको अनुमति दिएको छ ।
विभागका महानिर्देशक भरत भट्टराईका अनुसार यो सहित अब ३ वटा खोपले त्यसरी आपत्कालीन अनुमति प्राप्त गरिसकेको छ । अक्सफर्ड आस्ट्राजेनेकाको सिरम इन्स्टिच्युटबाट उत्पादित कोभिशिल्ड, चिनियाँ सिनोफार्म अनि भारत बायोटेकको कोभ्याक्सीनले यसरी अनुमति पाएका छन् ।
कोभ्याक्सीनलाई कोभिशिल्डजस्तै २ देखि ८ डिग्री तापक्रममा राख्न सकिन्छ। यो खोपको पनि दुई मात्रा लगाउन जरुरी हुन्छ । विभागले निजी क्षेत्रलाई पनि खोप ल्याउन सहज हुनेगरी पक्रियाहरू अघि बढाइएको भट्टराईले बताए ।
