थप १९४५ जनामा कोरोना संक्रमण, २२ जनाको मृत्यु
काठमाडौं । नेपालमा पछिल्लो २४ घण्टामा थप १९४५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप १९४५ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २१६९६५ पुगेको छ । त्यसैगरी पछिल्लो २४ घण्टामा थप ५३६४ जना निको भई डिस्चार्ज भएका छन् ।
योसँगै कोरोना संक्रमणमुक्त हुनेको संख्या १९१००२ पुगेको मन्त्रालयले जनाएको छ । त्यसैगरी पछिल्लो २४ घण्टामा थप २२ जनाको कोरोना संक्रमणबाट मृत्यु भएको छ । योसँगै मृत्यु हुनेको संख्या १२९८ पुगेको छ । क्वारेन्टाइनमा ७५३ जना छन् भने आइसोलेसनमा २४६६५ सक्रिय संक्रमित रहेका मन्त्रालयले जनाएको छ ।
