थप ४०४७ जनामा कोरोना संक्रमण, १४७३ जना डिस्चार्ज
काठमाडौं । नेपालमा पछिल्लो २४ घण्टामा थप ४०४७ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ४०४७ जनामा संक्रमण पुष्टि भएको हो ।
काठमाडौंमा १८८८, भक्तपुरमा ११८ र ललितपुरमा २७७ जनामा संक्रमण पुष्टि भएको छ । त्यस्तै पछिल्लो २४ घण्टामा सात पुरुष र दुई महिला गरी थप ९ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ६४५ पुगेको मन्त्रालयले जनाएको छ । पीसीआर विधिबाट थप १४,५३० जनामो नमुना परीक्षण गरिएको छ ।
क्वारेन्टाइनमा ४८३१ जना रहेका छन् । आइसोलेसनमा ३३,८८० जना सक्रिय संक्रमित रहेका छन् । सोमबार थप १४७३ जना डिस्चार्ज भएका छन् । योसँगै डिस्चार्ज हुनेको संख्या ७७,२७७ पुगेको मन्त्रालयले जनाएको छ । आइसोलेसनमा २७९ र भेन्टिलेटरमा ६७ जनाको उपचार भइरहेको छ ।
