१४४७ जना डिस्चार्ज, १२०४ जनामा कोरोना संक्रमण
काठमाडौं । नेपालमा पछिल्लो २४ घण्टामा थप १२०४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप १२०४ जनामा संक्रमण पुष्टि भएको हो ।
काठमाडौंमा ५७०, भक्तपुरमा ८३ र ललितपुरमा थप ५८ जनामा संक्रमण पुष्टि भएको छ । त्यस्तै पछिल्लो २४ घण्टामा चार पुरुष र सात महिला गरी थप ११ जनाको मृत्यु भएको छ । योसँगै मृत्यु हुनेको संख्या ४०१ पुगेको छ । क्वारेन्टाइनमा ७७३५ जना छन् ।
आइसोलेसनमा १७,१२९ जना सक्रिय संक्रमित रहेका छन् । कोरोना संक्रमण निको भई शनिबार थप १४४७ जना डिस्चार्ज भएका छन् । योसँगै डिस्चार्ज हुनेको संख्या ४५,२६७ पुगेको मन्त्रालयले जनाएको छ । आइसियूमा १७९ र भेन्टिलेटरमा ३५ जनाको उपचार भइरहेको छ ।
