थप ५३५ जनामा कोरोना संक्रमण, संक्रमितको संख्या ९,५६१ पुग्यो
काठमाडौं । नेपालमा पछिल्लो २४ घण्टामा ५३५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा ५३५ जनामा कोरोना संक्रमण पुष्टि भएको हो । योसँगै कोरोना संक्रमितको संख्या ९,५६१ पुगेको छ । क्वारेन्टाइनमा रहेनेको संख्या ९० हजार ७ सय ३० रहेको छ ।
त्यस्तै आइसोलेनसमा ७ हजार ७ सय ८९ जना रहेका मन्त्रालयले जनाएको छ । त्यस्तै २४ घण्टामा ३७० जना डिस्चार्ज भएका छन् भने अहिलेसम्म डिस्चार्ज हुनेको संख्या २ हजार १ सय ४२ पुगेको छ । पछिल्लो २४ घण्टामा ६ हजार १ सय ९८ जनाको पीसीआर विधिबाट परीक्षण गरिएको र अहिलेसम्म पीसीआर विधिबाट १ लाख ८१ हजारको नमुना परीक्षण गरिएको मन्त्रालयले जनाएको छ ।रसुवाबाहेक सबै जिल्लामा कोरोना संक्रमण फैलिएको मन्त्रालयले जनाएको छ ।
