सरकारले भन्यो -कमीकमजोरी सुधार गर्दैछौं, आन्दोलन नगरिदिनुस्
काठमाडौं । कोभिड १९ संकट व्यवस्थपन संचालन केन्द्र(सीसीएमसी) ले कोरोना महामारीसँग देश संघर्ष गरिरहेका बेला सडक प्रदर्शनलगायतका कार्य नगरिदिन आग्रह गरेको छ ।
केन्द्रका संयोजक एवं उपप्रधान तथा रक्षामन्त्री ईश्वर पोखरेलले शुक्रबार राति विज्ञप्ति जारी गरी क्वारेन्टाइनहरुलाई सुधार गर्दै लैजान सरकार प्रतिवद्ध रहेको उल्लेख गरेका छन् । उनले आन्दोलनबाट महामारीले भयावह रुप लिन सक्ने भएकाले त्यसतर्फ सजग हुनसमेत आग्रह गरेका छन् ।