प्रधानमन्त्री ओलीले आज संसद बैठकलाई सम्बोधन गर्ने

काठमाडौं । प्रधानमन्त्री केपी शर्मा ओलीले आज संसदमा सम्बोधन गर्ने भएका छन् । बिहान ११ बजे प्रधानमन्त्री ओलीले संसद बैठकमा सम्बोधन गर्ने भएका हुन् । मंगलबारको बैठकमा नेपाली कांग्रेसका सांसद गगन थापाले कोरोना संक्रमण नियन्त्रणमा सरकार असफल भएको भन्दै त्यसको जवाफ माग गरेका थिए ।

थापाले सरकारले खर्च धेरै गरेको तर महामारी नियन्त्रणमा काम नगरको भन्दै त्यसको एकएक हिसाव देखाउन सरकारलाई चेतावनी दिएका थिए । चित्तबुझ्दो जवाफ नदिए संसद अवरुद्ध गर्नेसम्मको चेतावनी उनले दिएका थिए । प्रधानमन्त्रीले सम्बोधनमा कोरोना महामारीमा सरकारले गरेको काम, लकडाउन र एमसीसीको विषयलाई समेट्ने बताइएको छ ।