नेपालमा कोरोना संक्रमितको संख्या ४५७ पुग्यो
काठमाडौँ । नेपालमा कोरोना संक्रिमतको संख्या चार सय ५७ पुगेको छ । बिहीबार भेरी अस्पताल नेपालगन्ज र प्रादेशिक जनस्वास्थ्य प्रयोगशाला भैरहवामा गरिएको परीक्षणमा बाँकेका २ र कपिलवस्तुका एक जनामा संक्रमण पुष्टि भएको हो । बाँकेका नरैनापुरका ३२ वर्षीय पुरुष र खजुराकी ४२ वर्षीया महिलालाई तथा कपिलवस्तुको सुद्दोधन गाउँपालिकाका १९ वर्षीय पुरुषमा कोरोना संक्रमण भएको स्वास्थ्य तथा जनसंख्या मन्त्रालयका सहप्रवक्ता डा.समिरकुमार अधिकारीले जानकारी दिएका छन् ।
हालसम्म नेपालमा संक्रमित पुष्टि भएकाहरुमध्ये ४९ जना निको भएर घर फर्केका छन्छन् भने सिन्धुपाल्चोककी एक महिला, बाँकेका एक युवा र गुल्मीका एक शिक्षक गरी ३ जनाको मृत्यु भएको छ ।
