विदेशी विचारको अतिक्रमण स्वीकार्य छैन

यदि मैले
नेपालका मौलिक सभ्यताहरू हिन्दू, जैन, बौद्ध, किराती, बोन हुन् र यिनको सुरक्षा हुनुपर्छ, प्रलोभन दिएर धर्मपरिवर्तन गरिनु जघन्य अपराध हो, एसले एउटा जिउदो सभ्यता विलुप्त हुन सक्छ, अंग्रेजीका ठाउँमा मातृभाषालाई महत्व दिनुपर्छ, युवाहरूलाई विदेश पलायनबाट रोक्न निर्यातमुखी अर्थतन्त्रमा जोड दिनुपर्छ, हरेक समस्याको समाधानका लागि विदेशीलाई विज्ञका रुपमा बोलाउने परिपाटीको अन्त्य हुनुपर्छ” भनेर बोल्दा म “अप्रगतिशील” ठहरिन्छु भने एस्तो अप्रगतिशीलता मेरो लागि स्वीकार्य छ | मलाई विज्ञान स्वीकार्य छ तर विदेशी विचारको अतिक्रमण स्वीकार्य छैन | कुरो खरो छ |

यदि मैले
“नेपालमा प्रचलित राजनैतिक शक्तिहरूको बैचारिक श्रोत सात समुद्र पारि छ, जुन नेपालीहरूको भौतिक, मनोबैज्ञानिक तथा आध्यात्मिक यथार्थसंग कत्तिपनि मिल्दैन तर विज्ञान तथा सुशासनका सवालमा खुला हुनुपर्छ” भन्दा “विदेशी चिन्तनलाई नेपालीकरण” गरेर लैजानु पर्छ किनभने नेपालसंग आफ्नो मौलिक राजनैतिकवाद छैन” भनेर कूतर्क गर्ने जडवादीहरूले मलाई “पुरातनवादी” भन्दा मैले स्वीकार गर्नुपर्छ | कमसेकम मलाई इतिहासले “जडवादी” भन्ने छैन |

यदि मैले
“हामी नेपालीहरूको मनोविज्ञान बहुदेववाद () को जगमा निर्मित भएकोले हामीले आफ्नो धर्म, संस्कृति तथा विचारसंग मेल नखाने विचार वा व्यक्तिहरूलाई पनि स्वीकार गर्छौं तर एकेश्वरवादको संस्कृतिको जगमा मनोबैज्ञानिक चिन्तन बनाएका “विदेशी”हरूलाई नेपालमा फल्नफुल्न दिनुहुँदैन किनभने यिनीहरूले नेपालको मौलिकता समाप्त पर्ने निश्चित छ” भन्दैगर्दा “सत्य बुझेर पनि विदेशीहरूका लागि आत्महत्या गर्ने बाटोलाई नै उपयुक्त ठान्छ भने एस्ता मान्छे वा समुहले मलाई “पश्चगामी” भनेको मा कुनै गुनासो हुँदैन |