ओलीलाई देउवाको सुझावः विदेशमा रहेका नेपालीको उद्दारका लागि योजना बनाउनुस्

काठमाडौं । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीलाई एक सांसदलाई अपहरण शैलीमा काठमाडौं ल्याउनेहरुमाथि कारबाही गर्न सुझाव दिएका छन् । प्रधानमन्त्री ओलीसँग शुक्रबार भएको भेटवार्ताका क्रममा सभापति देउवाले दुबै अध्यादेश फिर्ता गरेर गल्ती सच्याएको भन्दै सांसद अपहरण गर्नेहरुमाथि कारबाही गर्न माग गरेका हुन् ।

उनले भने, ‘दुबै अध्यादेश फिर्ता लिएर गल्ती सच्याउनु भयो, त्यसका लागि धन्यवाद छ । तर एक सांसदलाई अपहरण शैलीमा काठमाडौं ल्याउन जो संलग्न छन्, तिनलाई कार्वाही गर्नुपर्ने माग देशभरी उठेको छ । मेरो माग यहि छ । देशमा कानूनी राज्य छ भने निष्पक्ष अनुसन्धान र कार्वाही हुनुपर्छ ।’ त्यसैगरी देउवाले कोरोना रोकथाममा अग्रमोर्चामा खटिएका स्वास्थ्यकर्मीलाई पीपीई लगायतका स्वास्थ्य सामग्री नपुगेको र हतोत्साही बनाउने काम भएको भन्दै त्यसतर्फ ध्यान दिन प्रधानमन्त्रीलाई आग्रह गरेका छन् ।