जामसमेत खुलाउन नसक्ने सरकारबाट अरु केही आशा गर्न सकिन्नः प्रकाशमान सिंह



काठमाडौं । नेपाली कांग्रेसका नेता प्रकाशमान सिंहले नौबिसे(नागढुंगाको सवारी जाम पनि खुलाउन नसकेको भनेर सरकारको आलोचना गरेका छन् । जाममा परेर विरामीको मृत्यु हुँदासम्म पनि दुई तिहाइ बहुमतको सरकारले सहजरुपमा यात्रा गर्ने वातावरण बनाउन नसकेको भन्दै नेता सिंहले आलोचना गरे ।

नेपाली कांग्रेस काठमाडौं क्षेत्र नम्बर १ ले शनिबार बिहान आयोजना गरेको चियापान तथा शुभकामना आदान प्रदान कार्यक्रममा नेता सिंहले जनजीवन अस्तव्यस्त हुँदा पनि सरकार चूप लागेको बताए ।

उनले भने, ‘बजार भाउ अनियन्त्रित छ, जनजीवन अस्तब्यस्त छ, यस्तो अवस्थामा सरकारको कुनै उपस्थिति नदेखिनु दुःखद छ ।’

‘यो सरकारले सडकको जामसमेत खोल्न सकेको छैन । जनताको न्युनतम चाहना पनि पूरा गर्न सकेन, हरेक ठाउँमा असफल भएको छ,’ उनले भने । जाममा घण्टौंसम्म बस्दा बिरामीको मृत्यु हुँदासमेत बाटो खुलाउन सरकारले ध्यान नदिनु लाजमर्दो भएको उनले बताए ।

सहज रुपमा यात्रा गर्ने वातावरण समेत बनाउन नसक्ने सरकारबाट जनताले विकास र समृद्धिको अपेक्षा गर्नु बेकार हुने उनले बताए । ‘जामसमेत खुलाउन नसक्ने सरकारबाट अरु केही आशा गर्न सकिन्न,’ उनले भने ।

चाडबाडको समय नागरिकलाई सहज वातावरण बनादिनुको सट्टा चिनियाँ राष्ट्रपति सी जिनफिङ बिचारको पछि लागेको भनेर उनले सरकारको आलोचना गरे । चिनियाँ मोडलको व्यवस्था नेपालमा भित्राउन खोजेमा दुर्भाग्य हुने उनले बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
प्रहरी सहायक निरीक्षकबाट सेवानिवृत्त ‘हजुरबा’को १२ पास गरेर स्नातक पढ्ने धोको

  प्रतिक्षा आले, गोरखा । शिरमा ढाका टोपी, निलो सुट र घाँटीमा भवानी

महिला टी–२० विश्वकप एसिया छनोटमा नेपालद्वारा बहराइन ९ विकेटले पराजित

काठमाडौं । नेपालले आईसीसी महिला टी–२० विश्वकप एसिया छनोटमा बहराइनलाई ९ विकेटले पराजित

सङ्घीयतालाई बलियो बनाउन तीनै तहको सरकार आत्मनिर्भर बन्नुपर्छः सांसद महर्जन

काठमाडौँ । नेकपा एमालेका नेता एवं प्रतिनिधिसभाका सदस्य प्रेमबहादुर महर्जनले सङ्घीयतालाई अझै बलियो

पञ्चायतकालमा नेपाली बाटो, अहिले विदेशको भर

नरेन्द्रसिंह कार्की, दार्चुला । दार्चुलाको उत्तरी सिमानामास्थित टिंकर गाउँका स्थानीय छ महिनापछि गाउँ फर्किएका