अर्थमन्त्रीको संयोजकत्वमा गभर्नर नियुक्तिका लागि सिफारिस समिति गठन
काठमाडौं । सरकारले राष्ट्र बैंकको गभर्नर नियुक्तिका लागि सिफारिस गर्न समिति गठन गरेको छ । बुधबार साँझ बसेको मन्त्रिपरिष्द बैठकले गभर्नर सिफारिसको लागि समिति गठन गर्ने निर्णय गरेको भुमी व्यवस्था सहकारी तथा गरिबी निवारण मन्त्री बलराम अधिकारीले जानकारी दिए ।
अर्थमन्त्री विष्णु पौडेलको संयोजकत्वमा समिति बनेको हो । सिफारिस समिति गठन गर्ने निर्णय भएपनि समितिको सदस्य को को छन् भन्ने निर्णय नभएको र छलफलबाट तय हुने मन्त्री अधिकारीले बताए ।
नेपाल राष्ट्र बैंक ऐनले अर्थमन्त्रीको अध्यक्षतामा सिफारिस समिति गठन गर्ने व्यवस्था गरेको छ । वर्तमान गभर्नर महाप्रसाद अधिकारीको कार्यकाल आगामी २४ चैतमा सकिँदैछ ।
