नेप्सेमा दोहोरो अंकको गिरावट
काठमाडौं । मंगलबार शेयर बजार नेप्से दोहोरो अंकले घटेको छ । मंगलबार नेप्से २७.२९ अंकले घटेर २६६३.३२ अंकमा अडिएको छ । तीनसय कम्पनीको एक करोड ३ लाख ३० हजार ५०२ कित्ता सेयर ४ अर्ब ५९ करोड ३७ लाख २७ हजार २४४ रुपैयाँमा कारोबार भयो ।
आज म्याचुअल फन्डबाहेक सबै समूहका उपसूचक घटेको छ। बजार दोहोरो अंकले घटे पनि मिड सोलु हाइड्रोको सेयरमा सकरात्मक सर्किट लागेको छ । कारोबार रकमका आधारमा एनएलजी इन्स्योरेन्स अग्रस्थानमा रहेको छ। यस कम्पनीको २७ करोड १७ लाख बराबरको सेयर कारोबार भयो।