सुनको मूल्यमा ८०० रुपैयाँले गिरावट

काठमाडौं । तोलामा दुई हजार ३०० रुपैयाँले आइतबार ओरालो लागेको सुनको मूल्य सोमबार पुनः ८०० रुपैयाँले घटेको छ । नेपाल सुनचाँदी व्यवसायी महासङ्घका अनुसार सोमबार छापावाल सुन प्रतितोला ९२ हजार २०० रुपैयाँमा कारोवार गर्ने गरी मूल्य निर्धारण गरिएको छ ।

आइतबार छापावाल सुन तोलामा ९३ हजारमा कारोवार भएको थियो । यस्तै तेजाबी सुन आजका लागि तोलामा ९१ हजार ७०० रुपैयाँ तोकिएको छ । आइतबार तोलामा ९२ हजार ५०० रुपैयाँमा कारोवार भएको थियो । चाँदी तोलामा ४० रुपैयाँले घटेको छ । आइतबार एक हजार २७० रुपैयाँमा कारोवार भएको चाँदी आज भने एक हजार २३० रुपैयाँमा कारोवार हुने गरी मूल्य निर्धारण गरिएको छ ।