कोरोना बीमाको मापदण्ड सच्याउन वरिष्ठ उपाध्यक्ष गोल्छाको माग
काठमाडौं । नेपाल उद्योग वाणिज्य महासंघका वरिष्ठ उपाध्यक्ष शेखर गोल्छाले कोरोना बीमाको मापदण्डको विरोध गरेका छन् । सामाजिक सञ्जाल ट्वीटरमार्फत गोल्छाले कोरोना बीमामा भएको मापदण्ड सच्याउन माग गरेका हुन् ।
बीमा समितिले निजी प्रयोगशालामा गरिएको परीक्षण अमान्य हुने भन्दै मापदण्ड परिवर्तन गरेपछि उनले त्यसको विरोध गरेका हुन् । गोल्छाले लेखेका छन्,‘निजी प्रयोगशालाको रिपोर्टलाई मान्यता नदिने बीमा समितिको निर्णयले सर्वसाधारणलाई सास्ती हुनुका साथै बीमा प्रतिको विश्वसनीयता पनि घट्छ । कम्पनी, समिति र सरकारले यस समस्याको तुरुन्त समाधान खोजियोस् ।’