अर्थविद भन्छन् -पहुँचवालाका कारण अर्थतन्त्र संकटमा



काठमाडौं । अर्थविद्हरुले पहुँचवालाहरुले जुनसुकै समयमा योजना फेरिदिने र भुक्तानी लिने प्रवृतिले गर्दा अर्थतन्त्र संकटमा रहेको बताएका छन् । संसदको अर्थ समितिको बुधबारको बैठकमा अर्थविद्हरुले बजेट निर्माण गर्नुभन्दा अघि दौडधुप हुने र बजेटपछि पनि पहुँचवालाहरुले योजना फेरिदिने प्रवृतिले अर्थतन्त्र संकटमा परेको बताएका हुन् ।

अर्थविद् डा. कृष्णराज पन्तले पहुँच हुनेहरुले मनलाग्ने वितिक्कै वर्षको बीचमै योजना फेरिदिने तथा बजेट निर्माणका समयमा पनि आफ्नो परियोजना समावेश गर्न दौढधुप गर्ने प्रवृतिले बजेट खर्चमा समस्या हुने गरेको बताए ।

उनले मन्त्रीले आफ्नो अनुकुलको योजनाहरु बनाउने र योजनाको सहि मूल्याङ्कन नहुँदा बजेट खर्च कम हुने अवस्था आएको बताए । अर्थविद् डा. डिल्लीराज खनालले सरकारले खर्चगर्नका लागि आम्दानीको स्रोत आर्थिक वर्षको सुरुदेखि नै खोज्नुपर्ने बताए ।

उनले वर्षको अन्त्यमा राजश्व संकलन बढाउने र भुक्तानी दिने खालको प्रवृति हटाउनुपर्ने बताए । अर्थविद् विश्वम्भर प्याकुरेलले सन् २०१५/१६ मा ५५ प्रतिशत भएको पूँजीगत खर्च गत वर्ष घटेर ३८ प्रतिशतमा झरेको भन्दै सरकारले बजेट खर्च बढाउन नसकेको बताए । उनले यस वर्षको छ महिनामा १० प्रतिशत मात्र पूँजीगत खर्च हुने अवस्था आएको भन्दै यस्तो अवस्थामा सुधार ल्याउनुपर्ने बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पेट्रोलियम पदार्थको मूल्य घटेसँगै अन्य वस्तु र सेवामा पनि मूल्य घट्नु आवश्यक छ : उद्योमन्त्री बडू

काठमाडौं । उद्योग, वाणिज्य तथा आपूर्ति मन्त्री दिलेन्द्रप्रसाद बडूले विभिन्न वस्तु तथा सेवामा

नेप्सेमा हरियाली, कारोबार रकम २ अर्ब रुपैयाँ नाघ्यो

काठमाडौं । साताको पहिलो दिन आइतबार शेयर बजार ९५ अङ्कले बढेको छ ।

ललितपुरमा पानीपुरी बिक्रीमा रोक

ललितपुर । ललितपुर महानगरपालिकाले हैजा नियन्त्रणका लागि पानीपुरी बिक्रीवितरणमा रोक लगाएको छ ।

वीरगञ्ज नाकाबाट निर्यातमा ७३ प्रतिशत वृद्धि

वीरगंज । नेपालको मुख्य प्रवेशद्वार र देशकै प्रमुख व्यापारिक नाका वीरगञ्जलाई प्रयोग गरी