निर्माण व्यवसायी दोस्रो दिन पनि धर्नामा
काठमाडौं । नेपाल निर्माण व्यवसायी महासंघले ‘सार्वजनिक खरिद नियमावली–२०७६’ तत्काल सच्याउन सरकारलाई दवाव दिन दोस्रो दिन पनि धर्नालाई निरन्तरता दिएको छ ।
नियमावली सच्याउनका लागि महासंघले मंगलबार पनि प्रधानमन्त्री निवास बालुवाटारमा एक घण्टा धर्ना दिएको छ । महासंघका अध्यक्ष रवि सिंहले नियमावली निर्माणमैत्री हुने गरी नसच्याएसम्म आफूहरुको आन्दोलन जारी राख्ने बताएका छन् ।
हातमा कालोपट्टी बाँधेर धर्नामा बसेका निर्माण व्यवसायीहरुले विकास आयोजनाहरुको म्याद थप, बैंक क्रेडिट लाइन लगायतका २५ बुँदे माग सम्बोधन गर्नका लागि सरकारलाई दवाव दिँदै प्रधानमन्त्री निवास अगाडी धर्ना दिने कामलाई निरन्तरता दिएका हुन् । महासंघले सोमबार पनि प्रधानमन्त्री निवास अगाडि एक घण्टा धर्ना दिएको थियो ।
