मुलुकमा अझै केही वर्ष व्यापार घाटा कायमै रहने
काठमाडौं । उद्योग, वाणिज्य तथा आपूर्तिमन्त्री मातृकाप्रसाद यादवले मुलुकमा अझै केही वर्ष व्यापार घाटा कायमै रहने बताएका छन् ।
काठमाडौंमा बुधबार आयोजित कार्यक्रममा मन्त्री यादवले आफ्नै पूँजी र सीपको प्रयोग गरेर उत्पादन नगरेसम्म मुलुकमा व्यापार घाटा कायमै रहने बताएका हुन् ।
उनले राष्ट्र निर्माणका लागि आवश्यक पूँजी र प्रविधि मुलुक भित्रै रहेको दावी गर्दै त्यसको सदुपयोग गरेर अघि बढन सरकार र निजी क्षेत्रबीच सहकार्य गर्नुपर्ने बताए । नेपाल बनाउन नेपाली आफैंले सोच्नुपर्ने मन्त्री यादवको भनाई थियो ।
उनले बाह्य पूँजी र प्रविधि भित्राउन सकिने तर बढी जोड आन्तरिक पूँजी र प्रविधिको परिचालन गरेर मात्रै मुलुकलाई बनाउन सकिने बताए ।
