पतिले शंका गरेपछि एलिना चौहानले दायर गरिन् पतिसँग सम्बन्धविच्छेद मुद्दा
काठमाडौं । गायिका एलिना चौहानले पतिसँग सम्बन्धविच्छेदको मुद्दा दायर गरेकी छिन् । उनले शुक्रबार जिल्ला अदालत काठमाडौंमा मुद्दा दायर गरेकी हुन् ।
गत ५ वैशाखमा एलिनाले र अस्ट्रेलिया बस्ने विष्णु सापकोटासँग विवाह गरेकी थिइन् । सापकोटा र चौहानबीच लामो समय प्रेम सम्बन्धपछि विवाह भएको थियो ।
तर, विवाहपछि अस्ट्रेलिया गएकी चौहान नेपाल फर्किएपछि उनीहरूबीच राम्रो सम्बन्ध नरहेको चर्चा थियो । सम्बन्धविच्छेदको मुद्दामा चौहानले आफूमाथि सापकोटाले शङ्काउपशङ्का गरेको, काममा बाधा दिएको, चरित्रमाथि शङ्का गरेको आरोप लगाएकी छिन् । उनले मानाचामल नलिने गरी मुद्दा दायर गरेकी छिन् ।
