‘आधा मुटु’ मा प्रेम, विवाह र डिभोर्सको कथा
काठमाडौं । शान्तिश्री परियार र नेत्र भण्डारीको स्वरमा नयाँ गीत ‘आधा मुटु’ आएको छ । प्रेम, विवाह र डिभोर्सको कथा समेटिएको गीतको म्यूजिक भिडियोमा अभिनेता सुशान्त कार्की र मोडल तथा अभिनेत्री गरिमा शर्माको अभिनय रहेको छ । गीतमा रमेश परियारको शब्द रचना तथा गायक भण्डारीको संगीत छ ।
रिजन नेपालको युट्युब च्यानलकाट सार्वजनिक भएको गीतलाई कृष्ण केसीले एरेञ्ज गरेका हुन् । गीतको भिडियोमा जेरी भण्डारीको निर्देशन, कथा र पटकथा रहेको छ । भिडियोको नवराज उप्रेतीले छायाँकन गरेका हुन् ।
