सन्तानका लागि एक आमाको त्याग समेटिएको ‘भगवान नै आमा हुन्’
काठमाडौं । नेपाली फिल्म ‘ह्रस्व दीर्घ’ को दोस्रो गीत सार्वजनिक गरिएको छ । फिल्मको ‘भगवान नै आमा हुन्’ बोलको गीत सार्वजनिक गरिएको हो ।
गीतमा सत्यराज आचार्यले स्वर दिएका छन् । गीतमा आमाको महिमा वर्णन गरिएको छ। गीतमा बाबुल गिरीको शब्द रचना र संगीत छ । सन्तानका लागि एक आमाले गर्ने संघर्ष, त्याग र समर्पणको भाव गीतमा प्रस्तुत गरिएको छ ।
भिडियोमा अभिनेत्री बिपना थापालाई आमाको रूपमा चित्रित गरिएको छ। नीता फिल्मस्को प्रस्तुति, चन्द्र पन्त निर्देशित फिल्ममा नेपाली र भारतीय कलाकारहरूको अभिनय छ । फिल्म नेपाली, तेलुगु र हिन्दी गरी तीन भाषामा आगामी शुक्रबार रिलिज हुँदैछ ।
