संगीत गैरेको ‘उद्यमी’
काठमाडौं । बुटवलका युवा उद्यमी संगीत गैरेले ‘उद्यमी’ बोलको गीत ल्याएका छन् । गीतमा गायक प्रमोद खरेलले स्वर दिएका छन् । संगीत गैरेको शब्द र संगीत रहेको गीतलाई विशाल निरौलाले एरेन्ज गरेका हुन् ।
भिडियोमा संगीत आफैंले अभिनय गरेका छन्। यसको भिडियो पनि उनकै कथा र निर्देशनमा बनेको हो । विभिन्न सपना बोकेर गाउँबाट रित्तो हात शहर छिरेको युवाले नयाँ ठाउँमा गरेको मेहनत र प्राप्त गरेको सफलतालाई भिडियोमा देखाइएको छ । भिडियोलाई दीपक गिरीले छायांकन गरेका हुन् भने अमृत चापागाईँले सम्पादन गरेका छन् ।
