चलचित्र ‘आँखा’को ट्रेलर सार्वजनिक

काठमाडौं । यही असोज ११ गतेदेखि प्रदर्शनको तयारीमा रहेको चलचित्र ‘आँखा’को ट्रेलर सार्वजनिक गरिएको छ । सुकुम्बासी बस्तीमा बस्दै आएको एक दम्पतीले जीविकोपार्जनका लागि गरेको संघर्ष र दुःखलाई ट्रेलरमा प्रस्तुत गरिएको छ । ट्रेलरमा दुई प्रमुख कलाकार स्मिता लामिछाने र आरके मेहता केन्द्रमा छन् ।

उनीहरु दम्पतीको भूमिकामा छन् । जौन योन्जनको लेखन तथा निर्देशनमा बनेको चलचित्रमा स्मिता र आरकेसहित निशा अधिकारी, सरोज खनाल, पशुपति राई, प्रवीण खतिवडा, विजय बराल, बुद्धि तामाङ, कृष्णभक्त महर्जन, राजन खतिवडा, लुनिभा तुलाधर, रविन्द्र झा, अभयराज बराल र बाल कलाकार प्रसन राई पनि मुख्य भूमिकामा छन् ।