बलिउड गायक नकाश अजिजको स्वरमा ‘सिनेमा हेर्न जाउँ’
काठमाडौं । फिल्म ‘१२ गाउँ’को पहिलो गीत सार्वजनिक गरिएको छ। फिल्ममा ‘सिनेमा हेर्न जाउँ’ बोलको रोमान्टिक गीतमा समीरसहित अभिनेत्री सोनु चन्द्रपाल फिचर्ड छन् ।
गुजराती तथा दक्षिण भारतीय सिनेमा र टेलिभिजन सिरियलकी चर्चित अभिनेत्री सोनु चन्द्रपालले नेपाली सिनेमामा डेब्यु गरेकी हुन् । गीतमा सुनिल क्षेत्रीको कोरियोग्राफी रहेको छ ।
गीतमा अर्जुन पोखरेलको शब्द रचना तथा संगीत र बलिउड गायक नकाश अजिजको स्वर सुन्न सकिन्छ । विराज भट्टको निर्देशन र निर्माण रहेको फिल्मको अर्जुन पोखरेल र निरजको संगीत, रामजी लामिछाने, सुनिल क्षेत्री र कविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन रहनेछ ।
