शान्तिश्रीको ‘रुकुम मैकोट’
काठमाडौं । फिल्म ‘खुस्मा’को दोस्रो गीत ‘रुकुम मैकोट’ सार्वजनिक भएको छ । गीतमा नायक धिरज मगर र नायिका उपासना सिंह ठकुरीलाई विशेष स्थान दिइएको छ ।
गीतमा एसडी योगीको संगीत निर्देशन तथा सुरेन्द्र रानाको शब्द रचना रहेको छ । योगी र शान्तिश्री परियारको स्वर छ । रिकेश गुरुङ संगीत निर्माता रहेको गीतको भिडियोमा सुरेन्द्र राईको कोरियोग्राफी हेर्न सकिन्छ । एम मिडिया प्रालिको ब्यानरमा निर्माण भएको यो फिल्म असोज ३ गतेदेखि प्रदर्शन हुँदैछ ।
