क्राइम थ्रिलर जनरामा निर्मित फिल्म ‘देवी’ यस्तो छ टिजर
काठमाडौँ । तीजको अवसरमा भदौ २१ गतेदेखि प्रदर्शन हुने फिल्म ‘देवी’ को टिजर सार्वजनिक गरिएको छ । टिजरमा समाजमा घटिरहेका बलात्कार जस्ता अपराजन्य घटनामा कानुनले पार्ने प्रभाव र त्यसले निम्त्याउने परिणामको कथा प्रस्तुत गरिएको छ । फिल्म क्राइम थ्रिलर जनरामा बनेको छ ।
फिल्मका निर्देशक सञ्जोग राई हुन्। फिल्मको कथा निर्देशक राईले अजय गौतमसँग मिलेर लेखेका छन् भने पटकथामा पनि यि दुवैको सहकार्य छ । फिल्ममा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपाने, ध्रुब कोइराला, निरिक्षा घतानी, विशाल पहारी, निरु खड्का, जीवन जंग खड्का र विकास पन्तको अभिनय छ ।
रेमन गुरुङ, नारायण राई र सञ्जोग राईले निर्माण गरेको फिल्मका कार्यकारी निर्माता जावेद खान तथा सह–निर्माता उजेन नोर्वे गुरुङ र मिलन लामा हुन्।
