यस्तो छ ‘सतीदेवी’ को ट्रेलर
काठमाडौँ । फिल्म ‘सतीदेवी’को ट्रेलर सार्वजनिक भएको छ । ट्रेलरमा छोरी हुनुको पीडालाई देखाइएको छ। फिल्ममा अभिनेत्री मलिका महत मुख्य भूमिकामा छिन्। सामाजिक कथामा आधारित फिल्ममा छोरीको महत्वलाई बुझाउन खोजिएको छ ।
फिल्ममा अन्य कलाकार हर्षिका वाली, मन्जिला बानियाँ, सन्दीपबाबु लोहनी, रमेश वुढाथोकी, कुल बहादुर अधिकारी, भोला सापकोटा, सिर्जना अधिकारी, सुजिता शिवाकोटी लगायतका कलाकारको अभिनय छ ।
आगामी साउन ४ गते प्रदर्शन हुने फिल्मका लेखक तथा निर्देशक लक्ष्मण सुवेदी हुन् । फिल्ममा श्रीदेवी सुवेदी र विशाल सुवेदीले लगानी गरेका छन् । बाबु श्रेष्ठको छायाँकन र तारा थापा ‘किम्भे’को सम्पादनमा बनेको फिल्ममा दीपक शर्मा र सुभाष भुसालको संगीत, रामजी लामिछानेको कोरियोग्राफी छ।
