‘भोले बम बम’ लिएर आए कृष्ण सुवेदी
काठमाडौँ । गायक कृष्ण सुवेदीको ‘भोले बम बम’ बोलको तीज गीतको भिडियो रिलिज गरिएको छ । हिन्दू नेपालीहरुको महान पर्व तीज नजिकिएसँगै पर्वतेली गायक कृष्णले भगवान शिवको महिमा वर्णन गरिएको तीज गीत ‘भोले बम बम’को भिडियो लिएर आएका हुन् ।
छमछम नचाउने भोले बम बमबाट आफुले आशा राखेको गायक कृष्ण बताउँछन् । जसमा शरद एलजी, सृष्टि विश्वकर्मा, आरुषी कार्की र रिदम थापाको बेजोड अभिनय देख्न सकिन्छ ।
गायक स्वयमकै शब्द तथा संगीत रहेको भोले बम बममा आफ्नी प्राण प्यारीलाई जुनीभरी माया दिने कुरा दर्शाइएको छ । होम गुरुङले निर्देशन गरेको भिडियोको छायांकन गणेश सापकोटाले गरेका हुन् भने सम्पादन शिव पौडेलले गरेका हुन् ।
