‘प्रेम गीत-३’ बाट प्रदीपले जिते डेब्यु अभिनेताको अवार्ड
काठमाडौं । अभिनेता प्रदीप खड्काले भारतको ‘ग्लोबल ताज अन्तर्राष्ट्रिय फिल्म फेस्टिभल’ मा डेब्यु अभिनेताको अवार्ड हात पारेका छन् । उनले आइतबार साँझ आगरामा सम्पन्न फेस्टिभलमा ‘प्रेमगीत ३’ को हिन्दी भर्सनबाट डेब्यु अभिनेताको अवार्ड जितेका हुन् ।
खड्काले आफूले डेब्यु अभिनेताको अवार्ड जितेको फेसबुकमार्फत जानकारी दिएका हुन्। अवार्ड कार्यक्रमकै लागि प्रदीपसँगै निर्देशक र निर्माता सन्तोष सेन आगरा पुगेका थिए ।
स्वर्गीय छेतन गुरुङ र सन्तोष सेनको संयुक्त निर्देशन रहेको फिल्ममा प्रदीप खड्का र क्रिस्टिना गुरुङको मुख्य भूमिका रहेको छ।
