नेपालअघि ‘बद्री बहादुर’ अष्ट्रेलियामा प्रदर्शन हुने
काठमाडौं । निर्देशक शोभित बस्नेत निर्देशित सिनेमा बद्री बहादुर नेपालअघि अष्ट्रेलियामा प्रदर्शन गरिने भएको छ । सिनेमाको आगामी जुलाई ३० तारिखमा सिड्नी. लगायत चार शहरमा रिलिज गर्न लागिएको हो । सिनेमा रिलिजकको लागि शोभित केहीदिन अघि अष्ट्रेलिया उडेका थिए । सिनेमाको सिड्नी रिलिजको चाँजोपाँजो मेगा इभेन्ट र रुक्सल प्रजापतिले मिलाएका हुन् ।
सिनेमालाई संचारकमर्मी.रवी अधिकारीले.कार्यकारी निर्माता रहेका छन् । एबि पिक्चर्स फार्म र सलोन सलिना ब्यानरमा निर्माण भएको सिनेमाका प्रस्तुतकर्ता विजय गोपाल दली हुन् भने निर्माता मिथुन भोटे रहेका छन् ।
सिनेमामा अभिनेत्री पूजा शर्मा र अभिनेता सलोन बस्नेत विशेष भूमिकामा रहेका छन् । ‘बद्री बहादुरमा जय किसन बस्नेत छुल्ठिम गुरुङ,राजिबजंग बस्नेत, धिरेन शाक्यको अभिनय रहेको छ । यही सिनेमाबाट एलिना गुरुङ नेपाली सिनेमामा डेव्यु गरेकी थिइन् ।
सिनेमामा टंक बुढाथोकी र उजन नेम्वाङको संगीत, रामकाजी घिमिरे लेखन, शिव बिकको नृत्य निर्देशन, शंकर महर्जनको द्वन्द्व रहने छ । ‘बद्री बहादुर’मा विनोद सापकोटाको छायांकन तथा समिर मिया सम्पादन रहने छ । मुख्य सहायक निर्देशक रामजी राउत रहेका छन् । कमेडी जनराको सिनेमा ‘बद्री बहादुर’को छायाँकन काठमाडौं, लमजुङ्ग, धरान र संखुवासभाका विभिन्न ठाउँमा गरिएको छ ।
