सिमा क्षेत्रको घटनालाई समेटिएको चलचित्र ‘दि कर्मा’ को टिजर
काठमाडौं । चलचित्र ‘दि कर्मा’ को टिजर सार्वजनिक भएको छ । नेपाल र भारतको सिमा क्षेत्रमा हुने घटनालाई समेटिएको चलचित्र ‘दि कर्मा’ को टिजर सार्वजनिक भएको हो । चलचित्र रिलिज गर्ने मिति यस अघि नै सार्वजनिक गरिसकेको छ । आगामी माघ १७ गते रिलिज हुने यस चलचित्रको निर्माण जयराज रायले गरेका हुन् भने देवकुमार श्रेष्ठले निर्देशन गरेका छन् ।
श्रीत मिडिया एन्ड इन्टरटेन्मेन्टको ब्यानरमा बनेको यस चलचित्रमा सिमा क्षेत्रमा नेपालीले भोग्नु परेका समस्याको उद्घाटन गरिएको छ । श्रीदेव बीएल र निशा खतिवडा निर्माता रहेको चलचित्रमा शारदा खड्का सह–निर्माता रहेका छन् । चलचित्रमा कलाकारहरु नीता ढुंगाना, परमिता आरएल राणा, वुद्धि तामाङ, देवकुमार श्रेष्ठ, अनुप सक्सेना, संगीता नापित लगायतको अभिनय हुनेछ ।
