दर्शनशास्त्रमा अनुसन्धान गोष्ठी सम्पन्न

काठमाडौं । त्रिभुवन विश्वविद्यालय त्रिचन्द्र क्याम्पस मनोविज्ञान तथा दर्शनशास्त्र विभागको आयोजनामा एक दिवसीय दर्शनशास्त्रको एकलवक्ता गोष्ठी सम्पन्न भएको छ । गोष्ठीलाई महात्मा गान्धी विद्यापीठ वनारसमा दर्शनशास्त्रका प्राध्यापक पिताम्वर दासले “दर्शनशास्त्रमा अनुसन्धान विधि” बारे डेढ घण्टाको प्रवचन दिएका थिए ।

प्रवचनमा उनले वैदिक तथा पाश्चात्य अनुसन्धान विधिहरूबारे परिचर्चा गर्दै दर्शनशास्त्रका विद्यार्थीहरूले प्रयोग गर्ने अनुसन्धान विधि वारे चर्चा गरेका थिए । कार्यक्रमको संचालन त्रिचन्द्र क्याम्पसआ दर्शनशास्त्रका प्राध्यापक डा. गोविन्दशरणले गरेका थिए भने देशविदेशबाट अनेकौं विद्यार्थीसहित दर्शनशास्त्रकी प्राध्यापक कमला शर्माको सहभागिता थियो । गोष्ठी जुमतन्त्र माध्यमबाट भएको थियो भने मिसन प्रज्ञाले सहायोजना गरेको थियो ।