भ्रष्ट्राचार निवारण
डा.गोविन्दशरण उपाध्याय ।
समय : रात्री : ८ः५५
गापा अध्यक्षको नेतृत्वमा भ्रष्ट्राचार निवारण विषयक गोष्ठी भयो । गाउँका लागि निकै उपलब्धि मानियो । नेपाल सरकार, गापा र भ्रष्ट्राचार निवारणमा काम गर्ने विश्वप्रसिद्ध आइएजिओका गोह्रो छाला भएका महासचिव नै प्रमुख प्रशिक्षक थिए भने स्थानीय प्रतिनिधि पनि थिए । तीनदिने प्रशिक्षणलाई गापा अध्यक्ष,वडा सदस्य, नेपाल सरकारका प्रतिनिधिहरूले निकै उपलब्धि मूलक माने । समाचार छापिए, अन्तरवार्ता भए ।सबैले भ्रष्ट्राचार नियन्त्रित हुने विश्वास गरे किनभने प्रतिनिधिहरूले विश्वभरिका उदाहरणहरू पेस गरेर कहाँ र कसरी भ्रष्ट्राचार हुने गर्छन् उदाहरणसहित बुझाएका थिए ।
प्रशिक्षण सकियो । सबै आ–आफ्नो बाटो लागे । काका पनि घर फर्कनु भयो । काकाले बेलुका भन्नुभयो “मैले दैनिक ३५०० भत्त्ता बुझ्न र काठमाडौँमा बनेको परिकार खान पाएँ । नयाँनयाँ कुरा बुझियो, नयाँनयाँ मान्छे देखियो । अब मान्छेले रुवाण्डा गरिने भ्रष्टाचारका तरिका पनि थाहा पाए । भ्रष्ट्राचार निवारण हुन्छ कि हुँदैन भन्न सक्दिन तर विदेशबाट भ्रष्ट्राचार गर्ने नयाँ प्रविधि भने भित्रिएको छ । उहाँले अगाडी थप्नुभयो “हरेक दिन हेलिकप्टरबाट हाम्लाई प्रशिक्षण दिन काठमाडौँबाट आउनेहरूले गोराले दैनिक ३ लाख ७० हजार भत्ता बुझ्दा रहेछन् । सहयोगीले दुई दिनको ८० हजार बुझे, मैले देखि हालें ।
“बाबु ! तेरो पनि एनजीओलाई चिन्छस्, एसो मलाई पनि महिनाको ३०– ४० हजार भत्ता बुझ्ने प्रशिक्षकको सहयोगीमा काम लगाई दे न, म पनि भ्रष्ट्राचार निवारणका लागि काम गर्छु – काकाले पहिलो पटक गापाले आयोजना गर्ने प्रशिक्षण र भत्ता बुझेपछि वेलुका मलाई भने । काकाको अनुहार निर्दोष थियो, उनी जे बोलिरहेका थिए सत्य बोलिरहेका थिए ।
काकाको निर्दोषअनुहार, आइएजिओका गोरा प्रशिक्षकले बुझेको दैनिक भत्ता र आफुले महिना मरेपछि बल्लबल्ल आउने तलव सम्झे र काठमान्डौबाट हेलिकप्टरमा चढेर आएको खाजाको खाने भाग्यमानी काकाले खाएको “छाक“को कति पर्यो होला सोच्दै छु ? !
