जापानमा ६० वर्ष यताकै शक्तिशाली आँधी, लाखौं प्रभावित
जापानमा शनिबार साठी वर्ष यताकै शक्तिशाली आँधी आएको छ । आँधीबाट अहिलेसम्म एक जनाको ज्यान गएको छ । आँधी आउनुअघि नै यसको प्रभावका कारण ठूलो वर्षा भएको थियो ।
आँधीका कारण १६ लाख भन्दा बढी मानिसहरुलाई सुरक्षित ठाउँमा जान भनिएको छ । आँधीका कारण यातायात र विद्युत सेवा प्रभावित भएको छ भने पहिरो जाने आशंका बढेको अधिकारीहरुले जनाएका छन् ।
जापानको मौसम विज्ञान एजेन्सी (जेएमए) ले शनिबार साँझ मध्य या पूर्वी जापानमा आँधीको गति २१६ किलोमिटर प्रति घण्टा पुग्ने अनुमान गरेको छ ।