सरकार विरुद्ध प्रदर्शनका कारण हङकङमा रेल सेवा अवरुद्ध



हङकङ सरकार विरुद्ध प्रदर्शनमा उत्रेका प्रदर्शनकारीहरुका कारण आज बिहानदेखि रेल सेवा अवरुद्ध भएको छ ।

सुपुदर्गी विधेयक विरुद्ध चार महिना पहिला सुरु भएको आन्दोलनले अहिले उग्ररुप लिँदै गएपछि सरकारले शुक्रवार हङकङमा मास्क लगाएर हिँड्न प्रतिबन्ध लगाएको थियो । प्रदर्शन उग्र बन्दै गएपछि सरकारले विधेयक फिर्ता लिएपनि आन्दोलन रोकिएको छैन ।

शुक्रवार भएको प्रदर्शनमा मास्कधारी प्रदर्शनकारीको खुट्टामा प्रहरीले चलाएको गोली लागेपछि हङकङको अवस्था थप तनावपूर्ण बन्दै गएको हो। प्रदर्शनकारीहरुले मास्क नलगाउन सरकारले जारी गरेको सूचना अवज्ञा गर्न समेत आह्वान गरेका छन् ।

मास्कधारी प्रदर्शनकारीहरुले केही महिनायता हङकङका राजमार्ग र विमानस्थल कब्जामा लिएर प्रदर्शन गर्दै आएका छन् । यस्तै उनीहरुले प्रहरीमाथि नै पेट्रोल बम प्रहार गर्दै आएका थिए । रेल सेवा ठप्प हुँदा सुपरमार्केट र बैंकहरु समेत बन्द हुन पुगेको बताइएको छ । हवाइ सेवा समेत प्रभावित हुनसक्ने अवस्था सिर्जना भएको छ ।

चार महिनाअघि हङकङ सरकारले संसदमा मेनल्यान्ड चाइनामा अभियुक्तहरुलाई सजिलै सुपुर्दगी गर्ने कानुन प्रस्ताव गरेको थियो। आन्दोलनमा चीनबाट हङकङलाई स्वतन्त्र बनाउने पक्षधरहरुको बाहुल्यता रहेको छ ।

हाल प्रदर्शनरत पक्षलाई ’आतंकवाद’ सँगै तुलना गर्दै चीनले हङकङमा चीनको झण्डा जलाउने, चिनियाँ कार्यालयहरुमा तोडफोड भएको भन्दै अवस्था नियन्त्रणमा लिन हङकङमा चिनियाँ जनमुक्ति सेना परिचालन हुन सक्ने चेतावनी दिइसकेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
युवालाई प्रमुख वाहकका रुपमा परिचालन गरिने

काठमाडौँ । सरकारले युवालाई आर्थिक र सामाजिक रुपान्तरणका प्रमुख वाहकका रुपमा परिचालन गर्ने

विदेशबाट फर्किएर मौरीपालन, वार्षिक एक हजार ९५० किलो मह उत्पादन

चितवन । पूर्वी चितवनको राप्ती नगरपालिकाका २९ वर्षीय केशव मुक्तान अहिले मौरीपालन व्यवसायमा

विदेशी मुद्रा आर्जन र विदेशी अनुभवको निम्ति पनि नेपालीलाई विदेश पठाउनुपर्छः वामदेव गौतम(अन्तरवार्ता)

काठमाडौँ । नेपाल कम्युनिष्ट पार्टी राष्ट्रिय एकता अभियानका अध्यक्ष तथा राष्ट्रियसभा सदस्य वामदेव

सुनीताजीहरुले ‘स्टन्ट’ले मुलुक बन्दैन भन्ने बुझेको दिन हुनेछ पार्टी र देशको रूपान्तरण

-नारायण गाउँले । हरेक १० जना नेपालीमध्ये झन्डै तीन जनालाई एमाले मन पर्छ