भारतको बिहार र उत्तर प्रदेशमा बाढीका कारण एक सय भन्दा बढीको मृत्यु



ठूलो वर्षा भएपछि बाढीका कारण भारतका उत्तर प्रदेश र बिहार राज्यमा १०० जनाभन्दा बढी मानिसको मृत्यु भएको  छ।

ती राज्यका सहरी क्षेत्रमा वर्षा र बाढीले जनजीवनलाई नराम्ररी प्रभावित बनाइदिएका दृश्यहरू सार्वजनिक भएका छन्।

अधिकारीहरूका अनुसार रेल सेवा, अन्य यातायात, स्वास्थ्य सेवा, विद्यालय तथा विद्युत् आपूर्ति अस्तव्यस्त भएका छन्। बिहीवारयता उत्तर प्रदेशमा मात्रै ९३ जनाको मृत्यु भएको बताइएको छ।

बिहारमा २९ जनाको मृत्यु भएको उक्त राज्यको विपद् व्यवस्थापन निकायले जनाएको छ। बाढीले बिहारको मुख्य सहर पटना पनि प्रभावित भएको छ।

पटनामा मानिसहरू डुङ्गा चढ्न बाध्य भएका छन्। सडकमा पानीमा डुबेका सवारीसाधनहरू देखिन्छन्। सामाजिक सञ्जालमा एकजना चालकले पानीबाट आफ्नो रिक्सा तान्न सङ्घर्ष गरिरहेको भिडिओ धेरैले प्रेषित गरेका छन्।

पटना शुक्रवारदेखि जलमग्न भएको हो। त्यहाँ धेरै आवासीय क्षेत्र डुबानमा परेका छन्। पीटीआई सामाचारसंस्थाले एक अधिकारीलाई उद्धृत गर्दै सहरमा परेको पानी “पूर्णत: अनपेक्षित” भएको उल्लेख गरेको छ।

बिहार सरकारले भारतीय वायुसेनालाई हेलिकप्टर तथा पानी फाल्ने उपकरण उपलब्ध गराउन अनुरोध गरेको छ। उत्तर प्रदेशमा पनि उस्तै परिस्थिति छ।

एक स्थानीय बासिन्दाले समाचारसंस्था रोएटर्सलाई बताएअनुसार “पानीको अवस्था नराम्रो छ, बनारसको अवस्था नराम्रो छ”। त्यहाँ ढल निकास बिग्रिएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
वैश्विक व्यापार तनावबीच इन्डोनेसियामा विद्युतीय सवारीसाधन क्षेत्रमा तीव्र लगानी

जकार्ता । संयुक्त राज्य अमेरिकाले लागू गरेका भन्सार नीतिका कारण विश्वभरिका थुप्रै उदाउँदा

रूस–युक्रेन युद्धबन्दी साटासाट हुने ट्रम्पको घोषणा

किएभ । संयुक्त राज्य अमेरिकाका राष्ट्रपति डोनाल्ड ट्रम्पले शुक्रबार युक्रेन र रूसबीच युद्धबन्दीहरूको

गाजामा इजरायली हमलामा १६ जनाको मृत्यु

गाजा सिटी । गाजाको नागरिक सुरक्षा एजेन्सीले शुक्रबार इजरायली आक्रमणमा १६ जनाको मृत्यु

बेलायती प्रसिद्ध पत्रिका ‘द टेलिग्राफ’ अमेरिकी स्वामित्वमा लैजाने सहमति

लन्डन । अमेरिकी लगानी समूह ‘रेडबर्ड क्यापिटल पार्टनर्स’ले प्रसिद्ध बेलायती पत्रिका ‘द टेलिग्राफ’लाई