पूजारी हत्याको विरोधमा हुनसक्ने प्रदर्शन रोक्न गृहको गोप्य परिपत्र
काठमाडौं । रौतहतको नारायण नगरपालिकास्थित हनुमान मन्दिरका पूजारी श्रीराम साहलाई हत्या गर्ने समूहलाइ हिन्दूवादी व्यक्ति, संघसंस्थाहरूले यथाशीघ्र पत्ता लगाइ कडा कानूनी कारबाही गर्नुपर्ने माग राखेकोमा गृहमन्त्रालयले प्रहरी हेडक्वार्टर र ७७ वटै जिल्ला प्रमुखहरूलाइ परिपत्र गर्दै यस्ता गतिविधि रोक्न आदेश दिएको छ ।
मन्त्रालयको शान्ति सुरक्षा तथा अपराध नियन्त्रण शाखाले नेपाल प्रहरीका प्रमुख महानिरीक्षक शैलेश थापा क्षेत्री र सबै जिल्ला प्रशासन कार्यालयलाई पठाएको गोप्य पत्रमा पुजारीको हत्याको विरोधमा हुने प्रदर्शन रोक्न निर्देशन दिइएको छ । पत्रमा पुजारी श्रीराम साहको हत्यामा संलग्नमाथि कारबाहीको माग गर्दै विरोध प्रदर्शन र ज्ञापन पत्र बुझाउने जस्ता कार्य भएको बताउँदै विभिन्न जिल्लाहरुमा हुनसक्ने ‘अवाञ्छित गतिविधि’ रोक्न भनिएको छ ।
