लकडाउनको अवधिको शुल्क नलिन माग गर्दै प्याब्सनको कार्यालयमा अखिल क्रान्तिकारीको धर्ना
काठमाडौं । लकडाउन र कोरोना महामारीका बेला भर्जुअल कक्षाका नाममा अभिभावकसंग शुल्क लिने काम भएको भन्दै नेकपा(क्रान्तिकारी)माओवादी निकट विद्यार्थी संगठन अखिल क्रान्तिकारीले नीजि तथा आवासीय विद्यालय अर्गनाइजेशन नेपाल(प्याव्सन)को कार्यालयमा शान्तिपूर्ण धर्ना दिएको छ ।
लकडाउन अवधीभर कुनै पनि बहानामा बिद्यार्थीहरुसंग शुल्क उठाउने काम बन्द गर्नुपर्ने भन्दै संगठनले सोमबार काठमाडौस्थीत प्याव्सनको कार्यालयमा धर्ना दिएको हो । लकडाउनको अवधिको शुल्क तिर्न अभिभावकलाई दवाव दिएको भन्दै यस्तो कार्य बन्द गर्न पनि उनीहरुले ध्यानाकर्षण गराएका छन् ।
शिक्षा र स्वास्थलाई पूर्ण रुपमा राष्ट्रियकरण गरि पूर्ण रुपमा निशुल्क बनाउनुपर्ने उनीहरुको माग छ । धर्नामा अखिल क्रान्तिकारीका अध्यक्ष हरिकृष्ण गजुरेलले निजी विद्यालयले शुल्क बुझाउन अविभावकहरुलाई दवाव दिन नहुने बताए । अहिले लकडाउनको अवधीमा रहेका र सिंगो बिश्व नै कोरोनाबाट आक्रान्त रहेको भन्दै सवैले यस अवस्थालाई बुझ्नुपर्ने उनको भनाई छ ।
संगठनले अनलाईन शिक्षाका नाममा हुने कक्षालाई बाध्यात्मक बनाउन नहुने पनि जनाएको छ । त्यस्तै संगठनले दवावका कार्यक्रमलाई निरन्तरता दिने पनि जनाएको छ ।
