बहराईनमा कोरोना संक्रमित नेपालीको संख्या ४९ पुग्यो

काठमाडौं । बहराइनमा कोरोना संक्रमित नेपालीको संख्या ४९ पुगेको छ । बहराइनस्थित नेपाली राजदूतावासले शुक्रबार विज्ञप्ती जारी थप २७ जना नेपाली नागरिकमा कोरोना संक्रमण देखिएको बताएको हो ।

यसअघि २२ जना नेपालीमा कोरोना संक्रमण भएको पुष्टि भएको थियो । योसँगै कोरोना संक्रमण हुने नेपालीको संख्या ४९ पुगेको छ । बहराईनमा कोरोना संक्रमणबाट अहिलेसम्म सात जनाको मृत्यु भएको छ ।