आसियान देशहरूद्वारा क्षेत्रीय रोग तयारी सुधारबारे छलफल
दक्षिणपूर्वी एसियाली राष्ट्रहरूको सङ्गठन (आसियान) का सदस्य राष्ट्रका प्रतिनिधिहरूले राष्ट्रिय रोग रोकथाम, तयारी, पत्ता लगाउने र प्रतिक्रियाका उपायहरू आदान–प्रदान गर्नका लागि बैठक गर्दैछन् ।
लाओस स्वास्थ्य मन्त्रालयको रिपोर्टअनुसार जुलाई १–५ मा स्वास्थ्य विकास (सोएमएचडी) मा १८ औँ आसियान वरिष्ठ अधिकारीहरूको बैठकका लागि लाओसको राजधानी भिएन्टाइन भेला भएका थिए ।
बैठकले आसियान देशहरू, आसियान प्लस थ्री र आसियान–चीनबीच स्वास्थ्यको क्षेत्रमा सहमति हुन आवश्यक रहेको अहिलेसम्मको उपलब्धि र बाँकी रहेका मुद्दाहरूबारे जानकारी गराएको थियो ।
आसियानमा तीव्र वृद्धि र परिवर्तनहरूले यसका सदस्य राष्ट्रहरूको स्वास्थ्य प्रणालीमा चुनौती खडा गरेको छ । प्रतिवेदनअनुसार समुदायहरूले अत्यधिक जनसङ्ख्या, प्रदूषण र वातावरणीय स्वास्थ्य समस्याहरूको सामना गरिरहेका छन् ।
वरिष्ठ स्वास्थ्य अधिकारीहरू आसियान स्वास्थ्य मन्त्रीहरूको सम्मेलनको आह्वानमा परिष्कृत नीति र रणनीतिक दिशाहरूको रूपरेखा बनाउन सहमत भएका छन् । यसले आसियान क्षेत्रलाई नयाँ घटनाक्रम र सम्भावित परिदृश्यहरूमा प्रभावकारीरूपमा प्रतिक्रिया दिन सक्षम बनाउनेछ ।
आसियानका स्वास्थ्य अधिकारीहरूले पनि अन्तर्राष्ट्रिय सहयोगको महत्त्वमा जोड दिए ।
