ट्रम्पका राष्ट्रिय सुरक्षा सल्लाहकार ओब्रायनलाई कोरोना संक्रमण
अमेरिकी राष्ट्रपति डोनाल्ड ट्रम्पका राष्ट्रिय सुरक्षा सल्लाहकार रोबर्ट ओब्रायनलाई कोरोना संक्रमण पुष्टि भएको छ । अमेरिकामा कोरोना संक्रमण हुने ओब्रायन अहिलेसम्मका शीर्ष अधिकारी हुन् ।
अमेरिकामा सोमबार ६३ हजार ९६८ जनामा कोरोना संक्रमण देखिएको छ । त्यहाँ हालसम्म ४१ लाख ४८ हजार ११ जनामा कोरोना संक्रमण पुष्टि भइसकेको छ । अमेरिकामा १ लाख ४५ हजार ७२७ जनाको कोरोनाका कारण मृत्यु भइसकेको विश्व स्वास्थ्य संगठनले जनाएको छ ।
