युगाण्डालाई पराजित गर्दै नेपाल खो खो विश्वकपको फाइनलमा
काठमाडौं । नेपाली महिला टोली भारतमा जारी खो खो विश्वको फाइनलमा पुगेको छ । शनिबार युगाण्डालाई ८९–१८ ले हराउँदै नेपाली टोली उपाधि नजिक पुगेको हो ।
इरानलाई शुक्रबार १०३–८ को फराकिलो अन्तरले हराँउदै नेपाल सेमिफाइनल पुगेको थियो । नेपाली टोली समूह चरणमा अपराजित रहँदै सेमिफाइनल पुगेको थियो ।
नेपाली महिला टोली समूह ‘सी’ को विजेताका बनेको थियो । नेपालले पहिलो खेलमा भुटानलाई ९३–२४, दोस्रो खेलमा जर्मनीलाई ७३–३४, तेस्रो खेलमा श्रीलंकालाई ११०–१० ले र चौथो खेलमा बंगालादेशलाई ८४–२४ ले हराएको थियो ।
