एसी मिलानसँग रियल मड्रिड पराजित
काठमाडौं । युईएफए च्याम्पियन्स लिगमा साविक विजेता रियल मड्रिड पराजित भएको छ । मंगलबार राति भएको खेलमा रियल मड्रिड इटालियन क्लब एसी मिलानसँग ३–१ गोलले पराजित भएको हो ।
हारसँगै जारी प्रतियोगितमा चार खेलबाट दुई हारसँगै १७औँ स्थानमा छ। यता, एसी मिलन भने समान खेलबाट समान अंकसहित १८औँ स्थानमा छ।
यस्तै गएराति नै भएको अर्को खेलमा स्पोर्टि सिपीले म्यानचेस्टर सिटीलाई ४–१ गोलले हराएको हो । स्पोर्टीलाई जित दिलाउन भिक्टोर ग्योकेरेसले ह्याट्रिक पूरा गर्दा माक्सिमिलानो अरौजोले एक गोल गरे ।
सिटीको लागि फिल फोडेनले एक गोल गरे । जितसँगै स्पोर्टि ४ खेलबाट १० अंक जोड्दै तालिकाको दोस्रो स्थानमा रहेको छ । समान खेलबाट ७ अंक जोडेको सिटी छैटौं स्थानमा रहेको छ ।
