वेस्ट इन्डिजविरुद्धको खेलमा नेपाललाई तेस्रो सफलता



काठमाडौं । आइसिसी एकदिवसीय विश्वकप छनोटअन्तर्गत वेस्ट इन्डिजविरुद्धको जारी खेलमा नेपालले तीन विकेट लिएको छ ।
जिम्बावेको हरारे स्पोर्टस् क्लबमा जारी खेलको २५ ओभरको समाप्तीसँगै नेपालले तीन विकेट लिएको हो । आफ्नो क्रिकेट इतिहासको पहिलो पटक विश्वकप विजेता वेस्ट इन्डिजसँग खल्ने क्रममा नेपालका करण केसी, गुल्सन झा र सन्दिप लामिछानेले समान एक–एक विकेट लिए ।
नेपालका लागि करणले वेस्ट इन्डिजका सुरुआती ब्याट्सम्यान कायल मेयर्सलाई एक रनमा आउट गराए । उनले खेलको दोस्रो ओभरको तेस्रो बलमा मेयर्सलाई पेभिलिएन फर्काएका हुन् । करणले यसअघि अमेरिका विरुद्धको खेलमा पनि चार विकेट लिएका थिए ।
त्यस्तै नेपालका अर्का खेलाडी गुलशन झाले पाँचौँ ओभरको पहिलो बलमा वेस्ट इन्डिजका जोनसन चाल्र्सलाई शून्य रनमा नै आउट गरे । त्यस्तै सन्दिप लामिछानेले वेस्ट इन्डिजका सुरुआती ब्याट्सम्यान ब्रेन्डन किङलाई आउट गराए । सन्दिपले ब्रेन्डनलाई ३२ रनमा आउट गराएका हुन् । सोह्रौँ ओभरको तेस्रो बलमा किङ बोल्ड हुन पुगेका हुन् । उक्त प्रतियोतिगामा सन्दिपको यो पहिलो विकेट हो ।
जारी खेलको २५औँ ओभर सकिँदासम्म वेस्ट इन्डिजले तीन विकेट गुमाएर र एक सय २० रनको योगफल बनाएको छ । अहिले क्रिजमा वेस्ट इन्डिजका कप्तान शाई होप र निकोलस पुरन छन् । कप्तान होपले ४७ रन बनाएका छन् । उनले ७२ बलमा पाँच चौका प्रहार गर्दै ४७ रन बनाएका छन् । त्यस्तै पुरनले ३२ बलमा तीन चौका र दुई छक्काको मद्दतमा ३८ रनमा अविजित छन् ।
यसअघि भएको पहिलो खेलमा नेपाल जिम्बावेसँग आठ विकेटले पराजित भएको थियो भने दोस्रो खेलमा नेपालले अमेरिकालाई छ विकेटले हराएको थियो ।
यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘सुदूरको शान, मैदानमा तुफान’ भन्दै सुदूरपश्चिम रोयल्सले धनगढीमा निकाल्यो र्‍याली

काठमाडौं । नेपाल प्रिमियर लिगको टोली सुदूरपश्चिम रोयल्सले धनगढीको चौराहदेखि रंगशालासम्म र्‍याली निकालेको

इंग्ल्याण्डसँग आयरल्याण्ड ५–० गोल अन्तरले पराजित

काठमाडौँ । युइएफए नेसन्स लिगमा इंग्ल्याण्डले फराकिलो जित निकालेको छ । सोमबार विहान

नेपालसँग कर्नाटक फराकिलो अन्तरले पराजित

काठमाडौं । यू–१९ एसियाकपको तयारीमा रहेको नेपालले भारतको कर्नाटक यू–१९ लाई १२१ रनको

विराटनगर किङ्ग्सको एम्बेसडर बने दयाहाङ राई

काठमाडौं । विराटनगर किंग्सको गुडविलले चर्चित अभिनेता दयाहाङ राईलाई आगामी नेपाल प्रिमियर लिग