हिमालय क्रिकेट लिग सोमबारदेखि सुरु हुने
हिमालय क्रिकेट लिगको तयारी पूरा भएको छ । सोमबारदेखि हिमालय स्पोर्ट्स म्यानेजमेन्ट प्रालिको आयोजनामा सुरु हुने ‘हिमालय क्रिकेट लिग’को तयारी पूरा भएको हो ।
अर्किड इन्टरनेशनल कलेजको मुख्य प्रायोजनमा हुन लागेको प्रतियोगिताको आयोजकले आइतबार पत्रकार सम्मेलनमार्फत तयारी पूरा गरेको जानकारी दिएको छ । ६ टोली सहभागी हुने प्रतियोगिताको विजेता टोलीले १ लाख ५० हजार रुपैयाँसहित ट्रफी, मेडल तथा उपविजेताले पनि ७५ हजारसहित ट्रफी, मेडल प्राप्त गर्नेछन्।
नेपाल क्रिकेट संघ (क्यान)को प्राविधिक सहयोगमा मूलपानी क्रिकेट मैदानमा हुने प्रतियोगिता १४ दिनसम्म चल्ने छ भने विधागत उत्कृष्ट खेलाडी पनि पुरस्कृत हुनेछन्।
